دافغانستان داسلامي امارت نظامي کمیسیون داسلامي امارت دمشرتابه په دستور په هیوادکي دمجاهدینودجهادي فعالیتونو دنظارت اوڅارنې او دمجاهدینو ترواک لاندې ساحوکې دهغوی داداري اوملکي چارو دانسجام اوتنظیم لپاره دهیواد ټولوولایتونوته باصلاحیته هیئتونه تعین او استخدام کړی .

اسلامي امارت غواړي چي دټول هیواد په کچه ددغو توظیف او استخدام شویوهیئتونودکاري رپوټونو او دهغوی دمشاهداتواوارزونوپه اساس دهیواد دپوځي او اداري چارو دلاسمون اوپرمختګ لپاره داسې تدابیر او تصمیمونه په کار واچوي چې دهغوی په وسیله جهادي صف لا پیاوړی اومنظم شي ترڅو وکولای شو دالله تعالی په نصرت او دهمدغه منظم او یوموټي جهادي ځواک په وسیله خپل هیواد داشغالګرو له واکمنۍ څخه داسلام دسپیڅلې نظام دحاکمیت لپاره آزاد او خپلواک کړو.

په نظرکې ده چې د دغو توظیف شویو پلاویو دکاري رپوټونو هغه برخې چې په هیواد کې دجهادي او اداري فعالیتونو موفقیت پکي منعکس اوکوم پوځي محرمیت ونه لري په مسلسله توګه دالاماره ویب پاڼې او داسلامي امارت د اړونده رسنیو له لارې له خپلو مجاهدو هیواد والوسره هم شریک شي.

په هیوادکې دمجاهدینو ترواک لاندې ساحو کې دپوځي او اداري فعالیتونو دڅارنې او ارزونې لپاره ددغو توظیف او استخدام شویو هیئتونو دراټول کړیو رپوټونو په سلسله کې مو داځل په لویدیځ زون کې دفراه ولایت لپاره د ټاکل شوي هیئت د غړيو هریومحترم (مولوي عبدالسلام صاحب ،مولوي نصرالله صاحب اوقاري عبدالمالک صاحب )دیادښتونوپربنسټ همداراپورترتیب کړي.

دفراه ولایتدمساحت په لحاظ د افغانستان دلویوولایتونوڅخه ګڼل کیږي اودښه ستراتیژیک اهمیت څخه برخمن دی یرغلګروځواکونوپه دغه ولایت کي هم دافغانستان دنوروسیموپه څېرډیري هڅي وکړي چي دافغان مجاهدولس دازادۍ اوخپلواکۍ غوښتني داعیه خاموشه کړي مګردمهربان څښتن جل جلاله په ځانګړي نصرت اوبرکت دلته هم دنوروولایتونوغوندي ددښمن ټولي حربې اودسیسې شنډي اورسواشوې ،یرغلګردښمن دافغان مظلوم ولس دایلولوپه موخه په پراخه پیمانه خپل زور،پیسې اووحشت وکاراوه، اماپه مقابل کي یې افغان باشهامته ولس نه یوازي داچي تابع نه شوبلکي ورځ تربلي یې داشغال پرضدجهادي صفونه لاپیاوړي اوپراخ شول.

موږچي دهلمند څخه فراه ولایت ته ولاړو،هلته مودخپل پلان له مخي دفراه ولایت بالابلوک ،بکوا،فراه رود،پرچمن ،کلستان او.....ولسوالیواوسیموته سفرونه وکړل اوپه ډیروپراخوسیموکي وګرځیدو،دعام ولس ،ولسي مخورو،علمایې کرامواومجاهدینوسره موددغه ولایت په پوځي ،ادارې اواجتماعي چاروباندي پراخ اوازادبحثونه وکړل ،دوی ته موداسلامي امارت دمشرتابه پیرزویني ،لارښووني اوځانګړي هدایات وړاندي کړل.

موږدخپلي هیئتۍ پرمهال په مختلفوولسوالیواوسیموکي دولسي مخورواوعلماووڅخه عمومي وضعیت وپوښت دوی وویل چي :«موږدخدای جل جلاله ډیرشکرګوزاریوچي دامیرالمومنین ملامحمدعمرمجاهدحفظه الله په شان مخلص ،مدبراوشجاع امیریې راباندي لورولی دی ،داسي امیرچي په نړۍ کي دنوروپاچاهانوپرخلاف دسرټیټۍ پرژوندیې دمعاصرفرعون(امریکا)پرضدسپېڅلي مقاومت ته ترجیح ورکړه خپله برحاله واکمني تخت وتاج یې پرېښودخوداسلامي ارزښتونواوملي منافعودساتني څخه تېرنه شو،نورخلګ دپاچاهۍ ترلاسه کولوپه خاطردښکېلاک طوقونه غاړي ته اچوي اودیوڅوورځوبلواکي واکمنۍ په هوس هررازغلامي اوسرټیټي مني ،خپل ولس قتلوي ،اسلامي ارزښتونه ترپښولاندي کوي ،خپل اقداراونوامیس سپکوي حتی تردې چي خپله مور(خاوره )پلوري نغدمثال یې دکابل ادارې اوسنی چلونکی حامدکرزی او دده بانډ دی چي دلنډمهال عیش ونوش په خاطریې اسلامي اوملي منافع پرېښودل ،غربي لوچه ګان اوحرامزاده ګان یې افغانستان ته رادعوت کړل ښځي ،بوډاګان اوماشومان پرې شهیدانوي ،خپل ارزښتونه اوکلتورپه ښکنځي ،طبعي منابع په لوټي .موږدخپلومجاهدینوڅخه ډیرخوشحال یوچي دیرغلګرواوداخلي وحشي صفته عسکروله سلطې څخه یې خلاصون راکړی اوپه ډيره دلاورۍ اواخلاص سر ه دخلګوخدمت کوي ،موږمجاهدینوته په واروارویلي اواوس بیاستاسوپه مخ کي هم ورته وایوچي موږهررنګه همکارۍ ته تیاریوکه زموږپه سراومال دمجاهدینوښه کیږي وبه یې نه سپموو،دوی چي خپل سرونه قربانوي ،موږډوډۍ اودشپې تېرلوځای نه شوورکولای ؟!

دازموږدپاره افتخاردی چي مجاهدین راسره پاته شي ،خدمت یې وکړواوهوسایې کړو،موږدهغوکسانوپرحال تعجب اوافسوس کووچي په مجاهدینوپسې بدي اوله واقعیته لیري خبري کوي اودکفارودراډیوګانوپه خوله خپل مجاهدین پردي بولي جهادیې ترهګري اودپاکستان اوایران جنګ ګڼي ،خوامریکایان اوملګري یې بیاسوله ساتي اودبیارغوني پوځیان بولي ،داداسي خبري دي چي واقعیت ددې پرعکس دی ،مجاهدین زموږوروڼه دی ،یومودین ،یوموهیواد،یوموکلتورګټه اوتاوان مو سره شریک دي ،خوامریکایان زموږددین اووطن دښمنان دي ، نه مودین سره ګډدی نه کلتور،نه هیواداونه هم نورمنافع نودابه څومره احمقانه قضاوت نه وي چي خپل مجاهدین وروڼه پردي اوښکاره دښمن دوست وګڼو؟!.»

دمجاهدینوځایې مشرانواوورغلي پلاوي دمجاهدولس دسرښندونواوهمکاریوډیره ستاینه اوقدرداني وکړه ،ټولوپه یوخوله دافغانستان څخه دیرغلګروعسکرواودهغوی دداخلي مزدورانودنابودۍ اودیواسلامي اوملي نظام داستحکام دعاوکړه .

په فراه ولایت کي مجاهدین ډیرفعال او په خورا حیرانونکي کثرت کي ووددښمن پرپوستواوقرارګاوویې پرله پسې حملې کولې ،له ډیروسیمودښمن پښې سپکي کړې وې ،پوستې اولوی لوی مرکزونه یې تخلیه کړي وو،دښمن یوازي په ځینوخاصوسیموکي چي ډیري پخې قرارګاوي یې جوړي کړي وې شتون درلود،هغه هم په داسي شکل چي پرمجاهدینویې بریدنه شوای کولای یوازي یې ځان ساتني ته پام کاوه .اتلومجاهدینوزبون دښمن پرهمدې حال هم ارام ته نه پرېښوده توغندیزبریدونه یې پرکول ،کمینونه یې ورته نیول ،په فراه کي چي دکندهار- هرات لویه اومهمه لارهم تېره شوې ،همدغه لارچي په لویدیځ اوجنوب لویدیځ کي ددښمن دقواووترټوله مهمه اکمالاتي لارده همیشه دمعرکې یوګرم ډګرپاته شوی دی ،پرهمدغه لارله شمال اوجنوب څخه مجاهدین ددښمن پوځي اولوژیستیکي کتارونه تراورلاندي نیسي ،دښمن ته دسراومال ډیرزیان اړوي اوغنیمتونه ترلاسه کوي .

دفراه ولایت په بیلابیلوسیموکي مجاهدینو پردښمن کړۍ خوراډیره ورتنګه کړې ده لنډه داچي دجګړې ابتکارپه تمامه معنی داسلامي امارت دقهرمانومجاهدینوپه لاس کي دی ،نامراده غلیم په انتهایې ذلت اوشرمندګۍ کي شپې تیروي، وحشي یرغلګرچي له سیمي څخه تیښتي ته اړیستل کیږي داخلي اجیران یې دفوق العاده مایوسۍ سره مخ کیږي .

ښه ډیرهغه کسان چي ددښمن دتبلیغاتوښکارشوي اودکابل داجیررژیم سره یې کارکاوه پرخپل دغه عمل پښېمانه شوي دي دوی اوس دفراه ولایت په څېرپه نورولایتونوکي هم داسلامي امارت ددعوت اوارشادکمیسیون اوځایې مجاهدینوسره تماسونه نیسي په ډلو-ډلومجاهدینوته تسلیمیږي ډیری کسان له ځان سره سلاوي اوډیرمهمات هم اسلامي امارت ته سپاري .دوی ته داسلامي امارت له لوري دحفاظت تضمین اوپه تېره هغوکسانوته چي پردښمن یې حملې کړي وي لویې جایزې ورکول کیږي .

دفراه ولایت غښتلومجاهدینوموږددغه ولایت پرډیروسیمواوولسوالیو وګرځولوله خپلوموفقیتونواوستونزویې خبرکړو ،دمشرتابه څخه ډیرخوشحال وو،چي دوضعیت دمعلومولوپه موخه پلاوي ورته لیږي اووخت پروخت لازمي سپارښتني اوهدایات ورته کوي .

په فراه ولایت کي داسلامي امارت مجاهدین زموږتراټکل ډیرزیات فعال وو، موږچي دهیتۍ پرمهال ددوی سره ملګري وو،چي له یوې سیمي به موبلې ته سفرکاوه پرپېکپ موټربه موداسلامي امارت دامن اوشریعت سپین بیرغ رپاندو،اوله هرډول خوف پرته مودمقصودمنزل پرلورګامونه اوچتول، د فراه ولایت په مختلفوولسوالیوکي چي مودمجاهدینولاسته راوړني اولوړمورال ولیدداسي زیری یې راکاوه چي که خدای جل جلاله ته منظوروه په لنډراتلونکي کي به له ټول افغانستان څخه داشغال لمن ټوله شي .

خلاصه داچي موږچي دفراه ولایت عمومي جهادي وضعیت له نژدې ولید،واقعیت دهغه څه چي یرغلګراودکابل اداره یې دعوه کوي اویاپه اصطلاح ازادورسینوکي وړاندي کیږي برعکس ؤ، دفراه ولایت له ډیرو پراخو سیمو اوساحو څخه مجاهدینویرغلګراوداخلي اجیران یې شړلي وو،مفتوحه سیمي دومره پراخي وې چي موږپه ورځوورځوپه موټرکي مزلونه پکي وکړل په داسي حال کي چي ددښمن څرک موهم پکي ونه لیده ،خلګ داسلامي امارت دمجاهدینوڅخه خوشحال ووخپلي ستونزي اومشکلات یې دامارت نظامي اوملکي اداروته راجع کول ،په ټوله کي دخلګودعدلي ،تعلیمي اقتصادي اواجتماعي ستونزودحل یوازینۍ مرجع اسلامي امارت وه .