موږ د دښمن دغه ادعا په کلکه ردوو، زموږ اړوند يو مجاهد هم له دښمن سره نه ده يوځای شوی او نه بايد د اسلامي امارت له مجاهدينو ته داسې طمع وشي،زموږ مجاهدين ديو سپيڅلي هدف ترشا د خپل هېواد د آزادۍ مبارزه پرمخ وړي او په مفکوروي لحاظ له يرغلګرو او دهغو له غلامانوسره دمبارزې په دګر کې سر ښندنه کوي، له هغو نه د وسلې کيښودو هيله کول او يا ورپورې دغه راز تهمتونه په جعلي ډول تړل د دښمن په کاملا نامردۍ او بې مروتۍ دلالت کوي.
دهجري لمریز کال ړومبی ورځ چې دحمل دمیاشتي له اولې ورځې سره سمون خوري دنوروز په نامه په یوشمیر هیوادونو کې پیژندل کیږي او په خاصه توګه هرکال په ایران ، تاجکستان او افغانستان کې دنوموړې ورځې درناوی او تجلیل ترسره کیږي ، په داسې حال کې چې ددغې ورځې نمانځنه هیڅ اسلامي اصل او ریښه نلري او نه هم له اصیل افغاني فرهنګ سره کوم تړاو لري .
دغه ورځ ( نوروز ) دتاریخي څیړنو او پلټنو له مخې ثابتوي چې دنوروز بیخ او بنیاد داسلام له مقدس دین څخه وړاندې ( زردشتیانو ، مجوسیانو او اتش پرستو ) پوري ځان نښلوي او هم له اسلام دمخه نوروز دایرانیانو داخترونو څخه یو اختر بلل شوی چې متاسفانه دغه عقیده او دوداوس هم په نوموړي هیواد کې خاص ځای او درناوی لري
دنوروز دپیدایښت یو شمیر علتونه :
ایرانیان دنوروز په اړه بیلابیل توجیهات او علتونه په ګوته کو ي :
ځیني وايي نوروز دزردشتیانو دپاچا او واکمن دزیږیدو له ورځي سره سمون خوري ، نو ځکه يې مجوسیان ، زردشتیان او اتش پرستان دنوموړي ورځې تجلیل او درناوی کوي ، ځیني وايي نوروز دزردشتي او اتش پرستي عبادت دپیل له نیټي نه راپیل شوی ، ځیني وايي نوروز لدې امله نمانځل کیږي چې دبلخ دزردشتیانو او مجوسیانو په یوې مشهوري معبد ( اتشکده ) کې په همدې ورځ اوربل شو .
حکیم ابو ریحان البیرونی ،چې په 430 ق کال زیږیدلی او دڅلورم قرن نامتو رياضيدان او داسلامی تمدن داحیا مشهوره څیره تیره شوي. دنوروز په اړه داسې وايي : نوروز نمانځنه له هیڅ الهي دین او عقیدي سره کوم تړاو او رابطه نده لرلي ، هغه وايي ایرانیانو له اسلام څخه دمخه دځینو او هامو او خرافاتو او ګمراه کونکو رسمونو او رواجونو په سلسله کې نوروز نمانځنه پیل او یوه عقیدتي بڼه يې وروبښله چې دالبیرونی په قول دنوروز دپیدایښت لړی دزردشتیانو له زماني او دایران دجمشید پاچا له دوري څخه سرچینه واخیسته ، دحکیم البیرونی په نظر زردشتیانو دخپلې واکمنی او بیا ورسته پیروانو يې دنوروز ددو د پالني او ساتني ته کلک وفادار او پابند پاتې شول او یوکال يې هم ددغې ورځې له تجلیل نه سر ونه غړاوه ، البیرونی وايي ځیني زردشتیان داسې هم وو چې دلمریز کال په ړومبی نیټه ( سپیده داغ ) به يې ددرناوي لپاره په خپلو کورنو او ځایونو کې اورونه بل کړل او هغه يې نوروز نمانځنه بلله .
داسلام مقدس دین او نوروز !
اسلام هغه مقدس او جامع دین دی چې په خپلو ټولو ابعادواو جهتونو کې که هغه عبادات ، اعتقادات او معاملات دی په اړه يې خپل مشخص هویت او منونکي فلسفه لري
متعال خدای جل جلاله فرمايي ( والذین لایشهدون الزور ) ژباړه دخدای تعالی خاص بندګان هغه څوک دی چې دباطلو په مجالسو کې برخه نه اخلي (الفرقان ۷۲ سورت ) دلته دشهود معنا مفسرین حضور اخلي ، ځکه دغه ډول مجالس زړه او روح ته له ګندګي او ګناه پرته بل څه نه لوروی ! مجاهد ، ربیع بن انس ، قاضي ابو یعلی ، ضحاک ، ابو العالیه ، طاوس ، ابن سرین او ابن عباس رض او نور مفسرین او فقها دپورته ایت شریف تفسیر داسې کړی چې له ( زور ) څخه مراد دمشرکینو اخترونه او دخوښی ورځي دی (تفسير قرطبي ج7 ص54. روح المعاني جزء 19 ص51، ابن كثير ج:3 ص328 . الدرالمنثور جزه:5 ص80...)
داسلام او بشریت سترلارښود حضرت پیغمبر صلی الله علیه وسلم ، چې کله مدیني منوري ته هجرت وکړ دهغه ځای خلکو دخوښي دوه ورځي لمانځلي ، خوښي او میلي به يې پکې کولي ، دجلیل القدر صحابی حضرت انس بن مالک رض په روایت ، رسول الله صلی الله علیه وسلم له دغو خلکو پوښتنه وکړه چې تاسې ولې او دڅه په بنیاد ددغو دو ورځو درناوی کو ي ، هغوی ورته وویل چې مونږ به دجاهلیت په وخت کې ددغو دو ورځو تجلیل او پکې به مو لوبي کولي ، حضرت رسول صلی الله علیه وسلم ورته په خطاب کې وفرمایل : خدای تعالی مونږ مسلمانانو ته دهماغه دو ورځو په ځای دخوښی دوه نوري او بهتري ورځي چې یو يې دوړوکي اختر او بله يې دلوی اختر ورځي دي لورولي ( ابوداود ، نسایی ) دمرقات المفاتیح صاحب اومولف او دابو داود محشی دالمحیط قاموس نه په نقل وايي چې دجاهلیت ددوری دخوښیو او اخترونو له ورځو نه مراد ( نوروز او مهرجان ) دی
همداډول له ابن عمر رض څخه روایت دی چې رسول الله صلی الله علیه وسلم فرمایلي دي : («من تشبه بقوم فهو منهم». رواه احمد و ابوداود.ژباړه : هرڅوک چې مشابهت وکړي له یو قوم سره ، نو هغه کس له همغه قوم څخه دی ( یعني له هغه قوم څخه شمیرل کیږي ) ابن کثیر ویلی : پورته حدیث سخته نهی ، تهدید او دعذاب وعده دهغه چا په حق کې کړي چې ځان دکفارو په څیر جوړوي ، یعني په اقوالو ، افعالو ، لباس ، خوښیو ، اخترونو او نورو هغو شیانو کې چې شریعت دهغه منع فرمایلي (تفسير ابن كثير، ج1 ص197 )
په همدې ډول یهود ، نصارا او مجوسیان په هغه صورت کې چې جزیه به مسلمانانو ته ورکوي اجازه لري ترڅو خپل اخترونه دمسلمانانو په ځمکه کې ترسره کړي ، خو ددې په څنګ کې مسلمان ته روا نده چې دهغوی په دغو اخترونو کې برخه واخلي ، دحضرت عمر رض ارشاد او دصحابه و او ټولو فقهاو اتفاقي قول دی چې اهل ذمه ( جزیه ورکونکي کفار ) به په دارالاسلام کې خپل اخترونه او نوري ورځي علني نه ترسره کوي ، نوچې اهل ذمه وو ته دغه اجازه نشته ، نو هغه چاته چې ځان مسلمان ګڼي او بیا دکفارو او مجوسیانو اخترونه په خپله نمانځي او یاورسره مشابهت کوي دهغه به څه حکم او حالت وي ؟
همدارنګه له حضرت عبدالله بن عمر رض څخه روایت دی وايي (من مَرَّ ببلاد الأعاجم فصنع نيروزهم ومهرجانهم وتشبه بهم حتى يموت وهو كذلك حشرمعهم يوم القيامة). بهیقی باسنادجید ژباړه : هغه څوک چې دنوروز او دنورو غیری اسلامی اخترونو او ورځو دتجلیل په خاطر نامسلمانو هیوادونو ته سفر وکړی او دهغوی په مذهبی خوښیو کې شریک شي او دهغوی په څیر ځان جوړ کړی اوبیا په هماغه حالت کې مړشي ، حشر به يې په ورځ دقیامت له هغوی سره وي
له پورته قراني لارښونو، نبوي ارشاداتو او دصحابه کرامو او فقهاوو له اقوالو ښکاري چې نوروز له اسلام سره هیڅ اړه او رابطه نلري ، نوچې اسلام دنوروز په څرګندو ټکو مخالفت کوي نو بیا افغانان په کوم بنیاد او اصل نوروز دخپل افغاني فرهنګ جز شمیري او حتی اوس يې دملي ورځي په توګه پیژني ؟
معلومیږي چې که مسلمانان دنوروز تجلیل او درناوی کوي نو دزردشتیانو ، مجوسیانو او یا له اسلام څخه دمخه ګمراهانو ناولی تقلید او پیروي کوي ، نو په دغسې حالت کې که څوک قصدادغه نمانځنه سرته رسوي ؛ نوویره ددې ده چې دغه خلک داسلام دسپیڅلي دین څخه منحرف شوي ( العیاذ بالله )
ځیني نافهمه خلک وايي چې دوی هغه نوروز نه لمانځي کوم يې چې مجوسیان او زردشتیان ورته عقیده لري ، بلکې دوي صرف دکال اوله ورځ تجلیلوي ، دوی ته بایدو ویل شي چې که تاسې په رښتیا دپسرلي راتګ څخه استقبال کوی نو څه مجبوریت لری چې دغه استقبال دمجوسو او اتش پرستو له نوروز سره یوځای او غاړه په غاړه سرته رسوی ، په همدې ورځ په مزا رکې دسخي جان صاحب جنډه او چتوي ، دعاګاني غواړی او نذرونه ږ دي
داسلام لوی فقیه او محدث علامه ملا علی قاري رح چې دیولسم قرن دمجددپه توګه یادیږي وايي : هرهغه څوک چې دنوروز په ورځ یو چاته دتحفي او ډالی په شکل کې یوه هګی ورکړي دکفر ویره يې ده ، ځکه دغه کس دمجوسیانو او اتش پرستانو تقلید کوي او په لوی لاس ځان دهغوی له جملي څخه شمیري
همداراز ابوحفص بخاری حنفی رح چې په 150 هجري قمري کې په بخاراکې زیږیدلی او دامام بخاری رح داستاد انو له جملې نه حسابیږي او فقها او محدیثن يي د ماوراء النهردعلامه اودمشرق فقیه بولي وايي: که یو ه کس پنځوس کاله دخدای جل جلاله په وحدانیت کې تیرکړي وي خو دنوروز په ورځ کې لدې وجې چې دنوموړي ورځې نمانځنه وشي نو کوم مجوس او زردشتی ته په تحفه کې یوه هګی ورکړي پرته له کوم شک او تردد نه ددغه پنځوس کلن مسلمان ټوله مسلماني دړي وړي ، عبادات يې هدر او داسلام له دایرې نه خارج وګرځید.
نتیجه :
هغه کسان چې له لیري لیري ځایونو څخه مزارشریف او یانورو ځایونو ته دنوروز په ورځ سفر کوي او دسخی جان دجنډي دپورته کولو په مراسمو کې په همدې ورځ برخه اخلي ایا دوی کوم شرعي دلیل او مجوز لري ؟ دوی په استدلال کې کوم مبارک ایت ، حدیث شریف ، اجماع ، قیاس ، دکوم صحابي ، تابعی او مجتهد قول وړاندې کولای شي
بله خبره داده چې دغه ډول سفر دثواب په نیت پرته له دریو جوماتو نو ( بیت الله ، مسجدنبوی ، او مسجد اقصی ) ته نور هیڅ دیني حکم او مجوز نلري ، دمزار شریف دجنډي برخوال دې ووايي چې دوی بیدریغه لګښتونه کوي ، دنورور نارواوو ترڅنګ دموسیقی او نڅا په کانسرتونو کې شریکیږي او یايي ویني دوی دغه سفر ته پرته له معصیت او دشریعت غرای محمدی له اوامرو څخه نافرمانی او دکفارو او زردشتیانو له مشابهت نه بل څه دلیل درلودلای شي
هیله ده افغانان دخپل اصیل اسلامي فرهنګ او هویت له مخې هغه رسمونه ، ورځې او خرافات چې دیني او افغاني صبغه او ریښه نلري او د مجوسیت ، هندویزم او غربی ناولی فرهنګ نه سرچینه اخلي په لوی لاس افغاني جامعي ته رادننه او دافغاني فرهنګ نوم او شکل ورنکړي
دافغانستان په اړه ډير مشهوره ده، چي تل دنړۍ ددجالي قدرتونو لپاره دماتي میدان ثابت شوی، خو داچي څومره مشهوره ده، هغومره حقیقت هم لري.
امریکاچي په یرغليز ډول دنړۍ دنیولو په اراده لومړی په افغانستان يرغل وکړ، نو خپل ځواک ته په کتلو سره يې دافکر هم نه کاوو، چي یو وخت به په افغانستان کي دوی دروس په پرتله ډيره ناوړه ماته خوري او دهغوی په نسبت به ډير ذليل کیږي، په افغانستان کي يې دروس ماته دروسي حکومت دکمزورتیا او دروسي جنرالانو دغلطو پلانونو له امله بلله، خو اوس مهال خپله امریکا دروس په پرتله له ډیر ناوړه ماتي سره مخ ده او خسارې يې دروس په نسبت له اندازې زیاتي دي.
په افغان جګړه کي به دروس او امریکا زیانونه په پرتليزه توګه را واخلو، چي ورڅخه دامریکا ناوړه ماتي څرګندیږي.
لکه څنګه چي جګړه سړي غواړي، همداسي اقتصاد ته هم اړتیا لري، دروس دماتي یو لامل اقتصادي کمزوریتا شوه، خو دامریکایانو په نسبت يې مالي زیانونه په افغان جګړه کي بې حده لږ وو، ځکه روس په دغه څه کم ۱۰ کلنه جګړه کي دهر کال مصارف له دوو ميلیاردو ډالرو نیولي تر دريو ميلیاردو ډالرو پوري وه، خو دامریکا شوي مصارف په دغه ۱۳ کلنه جګړه کي تر یو ترېلیون ډالرو اوړي، د۲۰۱۳ کال په مارچ میاشت کي دامریکا شوي مصارف شاوخوا ۹۰۰ ميليارده ډالره وو، چي اوس يې دغه مصارف یو ترېلیون ته رسیږي، سره له دې، دغه جګړه لا تمامه شوي نه ده، په ۲۰۰۹، ۲۰۱۰ ،۲۰۱۱ کلونو کي دامریکا کلنی مصرف تر ۱۰۰ ميلیاردو ډالرو زیات شوی دی، چي دا دروس په نسبت یو په پنځوس ډیر مصرف دی، په افغان جګړه کي دامریکا ټول مصارف دیوه اټکل له مخي تر ۲ تريلیونو پوري رسیږي، همدا دافغانستان جګړه وه، چي امریکا يې په ميلياردونو نوره پوروړي کړه.
له بله پلوه روس خپل ټول تلفات شاوخوا ۱۵ زره ښودلي او په دغه روانه صليبي جګړه کي دامریکایانو دور کړل شویو شمېرو په بنسټ تراوسه شاوخوا ۳۴۲۷ بهرني عسکر وژل شوي، خو خپله امریکايان هم دغه شمېره حقیقي شمېرې نه بولي، بلکه په افغان جګړه کي دبهرنیانوتلفات تر ۱۵ زره زیات دي، چي ډیری یې امریکایان دي، نو دې ته په کتلو سره دامريکایانو تلفات تر روس کم بلکه تر روس زیات دي.
په دې برسېره دمالي زیانونو په لړ کي دروس ددفاع او کورنیو چارو دوزارت دبیانونو له مخي، دافغانستان په جګړه کي ددوی په يوولس زره ګاډو برسېره ۱۴۶۱ ټانګونه او زري پوښونه هم ویجاړ شوي دي، خو په دغه جګړه کي دامریکا دویجاړو شویو ټانګونو او شوبلو شمېره تر ۲۵۰۰ زیاتیږي.
په دغو ټولو زیانونو برسېره امریکا دا هيله هم له لاس ورکړي، چي ددوی تر وتلو وروسته به ددوی لاس پوڅی حکومت پاته وي او دامریکایانو له تګلاري سره سم به خپل حکومت ته دوام ورکوي، ځکه روس تر وتلو وروسته په افغانستان کي دنجيب داسي حکومت پرېښود، چي ددغه ادارې په نسبت يو په څو ځله قوي وو، خو هغه حکومت دروس تر وتلو وروسته څلورو کلونو ته ونه رسیدو،چي له منځه ولاړ، نود امريکایانو تر وتلو وروسته به هم دغه اداره تر ډېره پاته نه شي او همدې حقيقت ته په کتلو سره دکرزي دادارې چارواکو لا پخوا یوموقتي کور په کابل او درې څلور نور کورونه په خارج کي جوړ کړي دي، چي تر تېښتي وروسته به پناه ور وړي.
روس په خپل وخت کي دامریکا داوسني حالت په نسبت ډیر قوي هیواد وو، په جګړو کي اموخته وو، بلکه دروس په اړه دامشهوره وه، چي نه په شا کېدونکی ځواک، يابه ځینو نورو دروس تشبیه له فیل سره ورکوله، چي یوځل یوځای پښه کېږدي، بیايې څوک نه شي ښورولی، له بله پلوه افغانستان ته ډير نږدې هم وو، خو بیايې هم خپل اشغال ته دوام ور نشو کړای، نو امریکاچي تل يې په جګړو کي دتيښتي لاره خپله کړي او له بله پلوه له افغانستان څخه ډيره لري ده او هم يې زيانونه له روس څخه ډير دي، نوڅنګه به دغه اشغال ته دوام ورکړي؟
دې ته په کتلو سره دغه صليبي اشغال هم پای ته رسيدونکی دی، افغانستان یو ځل بيادنړۍ دوياړلو هيوادونو په سرلیک کي راغی او دايې ثابته کړه، چي یو نه اشغالېدونکی هيواد دی او ډير نږدې یوه ورځ به امریکایان دروس په پرتله په ډیر ناوړه حالت کي له دغه هیواد څخه په بشپړه توګه په تېښته وځي .
په بريدونو کې دښمن ته د سرزیات دومره دروند او وارخطا کونکی وو چې د مړو او ټپيانو د انقال لپاره يې د ټولو دولتي امکاناتو، موټرو، امبولانسونو او رینجر موټرو سره سره دعاموخلکو له رکشاموټرو، زرنج موټرسائکلونو او نورو نقلیه وسايطو نه هم کار واخيست او د پولیسو او عسکرو دمړو او ژوبلو شوو دلۍ يې په کې بار او نقلولې.
له ننګرهار ولایت په تازه رارسیدلي خبر کې ویل شوي نن سهار وختي دجلال اباد ښار اولې حوزې ته څو تنه فدايي مجاهدینو له خپلو سپکو او درنو وسلو سره ننوتلې ، خبر زیاتوي فدایانو په اوله حوزه کې سنګر نیولې او له هغه ځایه دولایت مقام، قصر او نور مهم پوځي تاسیسات د درنو او سپکو وسلو تربریدلاندي نیولې.
خبرکاږي لومړی یو تن فدايي مجاهد داولې حوزې پر نظام قراول باندي فدايي برید ترسره او ټول موانع یې له منځه یووړل. او نورو فدایانو ته یې دننوتلو لار خلاصه کړه.
له سیمې وروستي ترلاسه شوي خبرونه وایي، دحملې له ځایه داور لوګي پورته کیږي او د درنو وسلو دډزو اوازونه اوریدل کیږي. له جلال اباد نه مسول مجاهدین خبر ورکوي چې په حمله کې دښمن ته دروند زیان اوښتی خو دتلفاتو دقیقه شمیر تردې مهاله نه ده په ډاګه شوې.
وروستي راپورونه وايي جګړه اوس مهال هم په شدت روانه ده او فدايان په ډیره عالي روحیه مقاومت کوي. ددښمن امنیتي ځواکونه تردې مهاله نه دي توانیدلي چې مقاومت ودروي.
دهمدې لپاره خو دکابل دفاسدو چارواکو او رژیم د افغاني ښودلو لپاره ډیر تبلیغات کوي ، دخپلو تبلیغاتي اجیرانو په توسط هڅه کوي ، دکابل منحوس رژیم یو ملي او خپلواک رژیم وښيي چې افغانان باید ورباندې قناعت وکړي او مجاهدین یې په وړاندې له جګړې لاس واخلي .
مګر څرنګه چې دامریکایي حضور له کمیدو سره سره هم د رژیم په سطحه له تقنیي او اجرایوي اړخه هیڅ دپام وړ تغیر نه دی راغلی بلکې امریکایي پاتي شونې کټ مټ دخپلوامریکایي ولینعمتانو تګلارې پرمخ وړي ، همدا حقیقت دامریکایي اجیرانو په وړاندې جګړې ته شرعي مشروعیت ورکوي .
واضح حقیقت دی چې په افغانستان کې روان جهاد له افرادو سره جنګ نه دی ، بلکې د بلکې نظام په وړاندې جنګ دی ، هغه نظام چې اسلامي ارزښتونه یې تر پښو لاندې کړي او دغربي کفري سیاسي مفکورې ، لیبرالیزم او کلتوري بې لارۍ په اساساتو استوار دی .
د جلال اباد نننی خونړی برید امریکایي پاتي شونو ته څرګندپیغام لري ، چې که له خپلې ټاکلې تګلاري پرشا نشي او د خپل اولس په وړاندې دکفر له ملګرتیا او اتباع څخه لاس وانخلي افغان مجاهد اولس به یې په وړاندې عینا هماغه معامله وکړي لکه دامریکایي یرغلګرو په وړاندې یې چې وکړه .
په ټوله کې د ننګرهار نننی برید امریکایي پاتي شونو ته یو مهم خطرزنګ بلل کیږي ، چې باید د خپل ځان او افغانستان دراتلونکي نجات لپاره ترې عبرت واخلي
په دې برسېره مدني ټولنو هم ددې ډول مدرسو او په ځانګړي توګه داشرف المدارس په اړه خپله اندېښنه ښودلي ده، لومړی به داروښانه کړو، چي مدني ټولني څه وظيفه لري او په نورو هيوادونو کي له فعالو مدني ټولنو سره يې توپير څه دی، په نورو هيوادونو کي مدني ټولني هغو سازمانونوته ویل کیږي، چي له حکومت څخه بیلي وي او د ولس حقوق او تمايلات ښکاره کوي، خو په افغانستان کي مدني ټولني له هغو سازمانونو څخه عبارت دي، چي په افغانستان کي دغرب ريښې ټينګوي او دهغوی داهدافو لپاره کار کوي، چي نږدې بېلګه يې دکونړ او لوګر دپيښو په اړه دمدني ټولنو غبرګونونه وو، چي دکونړ دپيښي په ضد يې مظاهره وکړه، خو دلوګر دپيښي په مهال يې غوږونه کاڼه کړل.
دمدني ټولنو او غربي رسنیو ويره له کومي ځانګړي مدرسې څخه نه ده، بلکه له هغو ټولو ازادو مدرسو څخه ده، چي اوس مهال دهيواد په ګوټ ګوټ کي فعالي دي، مدني ټولنو دازادو مدرسو په خلاف ډير غږونه اوچت کړل او په دغو مدرسو کي درښتوني اسلام دخپراوي په اړه يې خپله ويره څرګنده کړه او ددوی په وینا دکرزي دادارې دپوهني له وزارت څخه يې غوښتي، چي ددغه ډول ازادو مدرسو مخه ونيسي، چي هسي نه ددوی د۱۲ کلونو ستړي هدر شي او خلکو ته دغربي فکر ورکولو په لاره کي يې ټول مصارف بې ځایه او ټولي ستړ ي يې بې ګټي شي، دوی همداراز له دې امله هم اندېښمن دي، چي څنګه له دومره ډيرو امکاناتو او مرستو سره سره په دومره ډیر وخت کي په دې ونه توانېدل، چي افغانان له رښتوني اسلام څخه لري، جهادي فکر يې ورختم او یايې کمزوری کړي او دغرب له دښمني څخه يې اذهان پرې مينځي.
دمدني ټولنو او غربي رسنيوداندېښنې یو لامل داهم دی، چي دوی هغو اهدافوته ونه رسيدل، چي غرب غوښتل، دهمدې رسنیو او مدني ټولنو په مرسته یې ترلاسه کړي، چي هغه دحقیقي اسلام مخنیوی او دعيسویت په ډول دیوه متبادل اسلام رامنځ ته کول دي، چي نه له بلي کومي عقيدې سره ټکر ولري او نه هم له غرب سره، خو ددې مدرسو په موجودیت کي هيڅکله مدني ټولني او غربي سازمانونه نه شي کولای، چي خلکو ته دحقيقي اسلام په ځای داسي اسلام معرفي کړي، چي غرب يې غواړي، نوځکه په خپل هدف کي دناکامي له امله اندېښمن دي.
خو په دې کي افغانانو ته یو زيری دی، هغه دا، لکه څنګه چي غرب دجګړې په ډګر کي ماته خوړلي، همداسي په فکري ميدان کي هم له ماتي سره مخ ده.
ورځ تر بلې داسلامي امارت له لیکوسره دکابل دګوډاګۍ اردود عسکرو یو ځای کیدو اودمجاهدینو دجهادي صفونو دپیاوړې کیدو سره دامریکایانو بوږنوونکیو اندیښنو هغه وخت تحقق وموند،چې دکابل زمامدار (حامد کرزي ) په اصطلاح دامنیتي تړون دلاسلیک پر سر امریکایانوته ظاهرا خپل شرطونه کښیښودل ،امریکایان چې په خپل لاس دروزل شوې اردوباندې دهرکله په پرتله زیات بي اعتماده شوي اوس ویره ورسره پیدا شوي، چې هسې نه ددوئ له وتنې او تیښتې وروسته یې تر شا پاتې اردو له طالبانو سره یوځای شي،چې هم به یې میلیاردونه ډالر په سیند لاهوشي اوهم به یي کابل کې دتنکۍ دیموکراسي ستنې و لړزیږي !
څه موده وړاندې دامریکالوی درستیز(جنرال مارتین دیمپسي) په کابل کې خبریالانوته وویل چې د امریکا د متحدو ایالتونو دا خبرداری چې که افغانستان امنیتي موافقه لاسلیک نه کړي، نو ټول پوځیان به له دغه هیواده وباسي، ممکن د دښمن د تشویق او له طالبانو سره د ځینو افغان امنیتي ځواکونو د یوځای کېدو سبب شي،جنرال ډیمسي وویل چې : دفاع وزارت ته د ولسمشر بارک اوباما دې امر، چې له افغانستانه د ټولو پوځیانو د ایستلو پلان جوړ کړي، افغان پوځي مشران هم اندېښمن کړي او د دوی د ځواکونو په ځان ډاډ له منځه وړي. نوموړې وویل چې د ځواکونو د ایستلو د اوازو د اغېز په اړه اندېښنه لري ،ده خبریالانو ته وویل:«دا دښمن ته ګټه لري او فکر کوم په یو نه یو ډول یې هڅوي،چې استخباراتي معلومات هم دا خبره تاییدوي»ددې امریکایي پوځي مشرله څرګندونوڅخه په ډاګه دامریکایانو تر منځ دژوراختلاف ،بي باورۍاودکابل په اوسنۍ اردو دبي اعتمادۍ نښې بریښي ،او په دې اندیښنو کې داهم ځلیږې ،چې دکابل اوسنی نظام چې دکومې سپیڅلې روحیی یا مفکورې پر بنسټ نه ،بلکې دبي خرته ډالرو په لګښت جوړشوی ،دومره کمزوری دی ،چې دخارجیانو له وتلووروسته به ژر وشړیږي او له مجاهدینو سره به دمقاومت پر ځای ورته ژر سلامي شي !
داسلامي امارت ددعوت وارشاد اوجلب وجذب کمیسون دراپور له مخې په تیر کال کې سلګونه داردو مسلح عسکر داسلامي امارت له لیکوسره یوځای شوي او دا لړۍ اوسمهال هم په تیزۍ سره روانه ده ،همداسې داردو له منځه پر خارجیانو دتوظیف شویو عسکرومرګونې ګوزارونو هم دامریکایانوبي باوري او اندیښنې زیاتې کړي دي .خو متقابلا داسلاميامارت دمجاهدینو روحیاتي مورچل لاغښتلی اودیوه اوږده جهادي تسلسل دتداوم روحیه یي په تندو کې له ورایه بریښي ،موږ باور لرو چې یاد شوي روان جریانات دفتحې او بریا ښکاره نښې او بشارات دي ، امریکایان چې په دې هیواد کې یې پښې ښویدلي دي له اخراج وروسته به نه وتوانیږي چې خپل ځای ناستی نظام وساتي او یا دخپلو منافعو دفاع ورباندې وکړي.
ان شاء الله په افغانستان کې دامریکا شکست به دشوروي اتحاد دماتې غوندې په نړیواله کچه مثبت نتائج له ځانه سره ولري او له ډیرو محکومو اولسونو به ددې جابر ځواک لمن په ټولیدو شي ، وما ذالک علی الله بعزیز
د ۱۳۵۷ هجري لمریزکال د حوت د میاشتې څلورویشتمه د همدې ویاړلو ورځو له جملې څخه یوه نه هیریدونکې ورځ ده .
په همدې تاریخي ورځ کې شهادت مینو هراتیانو له خپل دین او هیواد څخه ددفاع په خاطر د سر ښندنې او فداکاري میدان ته را ودانګل ، او دالله اکبر په ملکوتې ناروسره يې د الحادي مفکوري د بي ضمیره پلویانو پرخلاف قیام وکړ .
په دې تاریخي قیام کې په یوه ورځ تر ۲۴۰۰۰ زیات غیرتي هراتیان شهیدان خو د خپل دین او عقیدې دساتلو مسؤلیت یې تر سره کړ.
د وخت د ملحد نظام پرخلاف د مسلمانو هراتیانو دغه جهادي پاڅون یواځې او یواځي د هغوی د اسلامي جذباتو او عقیدوي روحیې محصول وه چې په تشو لاسونو خو کلکو ایمانونو سره یې پیل کړ، نه یې د وخت دطاغوت له وحشت څخه ویره وکړه او نه یې د خپل جهادي قیام په بریالیتوب کې له چاڅخه د مادي مرستې تمه و لرله.
اشغالګرو شورویانو د هرات له الهام بښونکي پاڅون څخه لس میاشتې وروسته په افغانستان پوځي یرغل وکړ ، چې دغه وحشي یرغل لس کاله دوام وکړ او د افغانستان مسلمان او مجاهد ولس یې په ډیرې میړانې سره تر هغو مقابله وکړه تر څویې هغوئ دخپل جهادي مقاومت په برکت په ځړیدلي اورمیږله افغانستان څخه تیښتې ته اړ او بالآخره یې په دې سره ټولې نړۍ ته دکمونیستي وینې زبیښونکي واکمنۍ له شره نجات ورکړ.
له نړۍ څخه د کمونیستي سرې کمبلې په ټولیدوسره امریکايي امپراتوري ته د یکه تازي میدان خلاص شو ، د دې پرځای چې امریکایانو د افغانانو د جهاد له برکته د نړۍ له یو قطبي توب څخه مثبته استفاده کړې وای او د جګړه ځپلیو افغانانو د احسان حق یې اداء کړی وای خوبر عکس یې په ډیره سپین سترګې داځل دوی دشوریانو په څیر په افغانستان تیری وکړ او دافغانستان په اشغال کې یې هغه شعارونه او تکتیکونه وکارول کوم چې یرغلګرو شورویانو کارولي ول.
خو مسلمانو افغانانو په ډیر ستړي او خسته حالت کې د مغرورو امریکایانو په مقابل کې هم هغسي مقاومت وکړ لکه د روسانو په مقابل کې چې کړی وه او دا دی نن یې د خپل ۱۳کلن جهادي مقاومت له برکته اشغالګرامریکایان هم له هغې ماتې او شرمندګي سره مخ کړي له کومې سره چې یې شورویان مخ کړي ول.
هوکه! نن د هرات د جهادي پاڅون ۳۵ کلیزه ده.
د دغې ویاړلې کلیزې په رارسیدو سره مغرورامریکایان باید د ماتې خوړلیو شورویانو له برخلیک څخه عبرت واخلي او له آزمایل شویو افغانانو سره له بي ځایه زور آزمویلو څخه ډ ډه وکړي.
د بیدینه کمونیستانو پرخلاف د هراتي ولس جهادي پاڅون د افغانانو لخوا ټولو تیري کوونکو ته دا څرګند پیغام دی چې دې غیور ولس کله هم د تیري کوونکی ځواک په مقابل کې د تسلیمي سر نه دی ټیټ کړی او نه به یې تر دې وروسته ټیټ کړي ، هرڅوک چې دخپل حماقت له مخې پردغه مسلمان ولس د واکمنۍ خوبونه ویني هغوئ به د چنګیز، انګریز ، پخواني شوروي اتحاد او اوسنیو امریکایانو په برخلیک اخته کیږي ، نړیوال غرور او وجاهت به یې دغیرتي افغانانو په لاس تر پښو لاندې کیږي ، مفکوره یې مسخره ګرځي او په تاریخ کې به یې دماتي خوړلي او شړیدلي په نوم یادیږي.
د ټولو یرغلګرو پر خلاف په فکري لحاظ د افغانانو دجهاد اومقاومت لامل دیني او عقیدوي انګیزه لري ، هغه انګیزه چې د مادیاتو په کموالي او زیاتولي پوري هیڅ تړاونه لري .
بلکې چې څومره د غه مجاهد ولس د اشغالګرو لخوا تر وحشت اوبربریت لاندې نیول کیږي په هماغه اندازه یې د انتقام روحیه قوي کیږي او په همدې قوي روحیې له دښمن سره مقابلې ته دوام ورکوي.
مونږ د هراتي مسلمان ولس د کب دمیاشتي ۲۴ تاریخي ورځ په داسې حال کې لمانځو چې مجاهد افغانان دعقیدي او دفاع په سرو سنګرو کې له اشغالګرو امریکایانو سره د مقابلې په وروستۍ مرحلې کې قرار لري .
مونږ د دفاع او مقاومت په مرچلونوکې دهرات شهید روزونکي ولس ته د دغې تاریخي ورځې له امله خپل عمیق تاثرات وړاندې کوو د هغوئ سرسپارلیو شهیدانوته له الله تعالی څخه د قبولیت غوښتنه او وارثینو ته یې د هغوئ د سپیڅلې لارې د تعقیب او نیمګړیو آرمانونو د پوره کولو سوالونه کوو .
مونږ په فکري او عملي لحاظ د امریکایانو پر خلاف ننی جهاد د شورویانو پرخلاف د پروني جهاد متمم بولو .
د ازادي او دفاع دلارې سر ښندنکو غازیانو چې په پروني او نني جهاد کې کومې قربانۍ ورکړي دهغوی هدف مشترک او آرمان یې یو دی .
دغه مشترک هدف او یو ارمان د مسلمانو افغانانو په ټاټوبي کې داسلامي نظام حاکمیت دی .
الله تعالی دي په خپل رحمت سره غیرتي افغانان په دغه سپیڅلي آرمان کې بریالي کړي .
د حوت د څلورویشتمې تاریخي ورځي د سر ښندونکو شهیدانو روح دی خوشاله او لاره دې بریالۍ وي.
موږ د دښمن دغه پوچه ادعا په کلکه ردوو، تراوسه پورې د پکتيکا ولايت په کومه اړونده سیمه کې موږ د دښمن کوم عملیات نه دي محسوس کړي، او نه موږ هلته تلفات ليدلي، دښمن تل هڅه کوي چې د رواني جګړې په دود له حقيقته لرې افواهات خپاره کړي، خپلو مشرانو او بهرنيو بادارانوته کاذب اميدونه ورکړي او سيمې تش په خوله له مجاهدینو نه خالي شوې اعلان کړي.
دسېمې خلک شاهدان دي چې هلته د دښمن هيڅ ډول عملیات هم وجود نه لري، مجاهدين په خپلو مراکزو او سنګرونو کې قرار لري او دښمن د هر ډول پر مختګ په وړاندي لازم تدابیر نیول شوي دي.
د کابل غلامانو د انتخاباتو په درشل کې د عملیاتو په نامه بیلا بیل اعلانونه کړي خو هيچيرې يې هم کوم پرمختګ او ريښتوني عملیات نه دي کړي او نه ورسره د داسې څه کولو توان شته.
ځواب : تاسو ته معلومه چې په افغانستان دامریکایي یرغل څخه وروسته زموږ په هیواد کې جنګي حالت حاکم دی ، او امریکایانو په افغانستان یو داسې حکومت تپلی چې په ټوله نړۍ کې په فساد کې لومړی درجه ځای لري ، دهمدې فاسد رژیم ترسیوري لاندې نورو لوټماریو ، غصب او اختلاسونو سربیره دبشري مرستو په برخه کې هم لویه بي انصافي روانه ده .
هغه داچې له یوي خوا زموږ جګړه ځپلی ولس د ژوند په هر پړاو کې له مختلفو ستونزو سره مخامخ دی او لاسنیوي ته اړ دی له بله پلوه همدا زموږ د هیواد والو د مرستي په نامه چي هیواد ته څه هم را ورسیږي نو زیاته برخه یې د بهرنیو مؤسسو د اداري پرسونل په معاشاتو ، د لوکسو او مجللو قصرونو په کرایو ، د نویو ماډلونو موټرونو په رانیولو او د دوی د دفتري لوازمو په کش او پش لګیږي ، کومه برخه چي بیا کومي پروژي ته رسیږي د هغي ډیره حصه هم د نوموړو مؤسسو او یا هم دکابل د ګوډاګۍ اداري د فاسدو چارواکو جیبونو ته ځي ، د دي لپاره چي د غه مرستي باید دضرورت وړ ځایونو کي ولګیږي او همدا ډول د دښمن له لوري د مرستو په نامه د مغرضانه فعالیتونو مخه هم ونیول شي ، دافغانستان اسلامي امارت وپتییله چي دمؤسساتواوشرکتونو دکنترول ، د هغوی د فعالیتونو د تنظیم او د هغوی دمصارفو د پرځای لګیدو په منظور په خپلو تشکیلاتو کي ځانګړی کمیسیون ولري .
په لنډو ټکو کي به د کمیسیون د لائحي د دوهمي مادي په یادولو سره د سوال د دي برخي ځواب را خلاصه کړم :
دوهمه ماده: د مؤسسو او شرکتونو د کنترول او تنظیم کميسیون د افغانستان د اسلامي امارت له لوري په هیواد کي مؤسسو او شرکتونو ته دضرورت په اساس د فعالیت د اجازي ور کولو، تنظیم او څارني په غرض رامینځ ته شوي اداره ده .
د دي کمیسیون د تشکیلاتو په هکله باید یادونه وکړم چي : په راس کي یي رئیس ، مرستیال او ور سره تجربه لرونکي اعضاء ، اداري او مالي څانګه ،د رغنیزو چارو د تنظیم څانګه ،د مخابراتي شبکو د تنظیم څانګه ، د عمومي اړیکو څانګه او په ټولو ولایتونو کي نمایندګۍ .
ځواب : د مؤسسو او شرکتونو د کنترول او تنظیم کمیسیون وکولای شول چي د هغو خپل سریو مخه ونیسي چي د یو شمیر غیر مسؤولو افرادو له لوري به د اسلامي امارت او یا هم د طالب په نامه له مؤسسو او یا هم د تلیفون له کمپنیو سره تماسونه نیول کیدل او په یو او بل ډول به یي هغوی تهدیدول او خپلي ناروا غوښتني به یي ترسره کولي چي په دي کار سره له یوي خوا د عام المنفعه چارو په وړاندي ډیري ستونزي را ولاړي شوي وي ، د بشري مرستو رسیدګي ستونزمنه شوي وه ، د ولس اړو خلکو ته څرنګه چي لازم وو اسانتیاوي نه وي له بلوه پلوه داسي ناوړه تبلیغات هم کیدل چي ګواکي اسلامي امارت په هیواد کي د پرمختګ مخنیوی کوي ، خو لله الحمد د کمیسیون په جوړیدلو سره د دي ډول ګډوډیو مخه ونیول شوه ، موږ وکولای شول چي د خپلو منظمو تشکیلاتو له لاري په ټولو ولایتونو کي د استازيوپه در لودلو ، هغوی ته خپل کاري لوائح او منظم پروګرامونه تهیه کړو او د چارو په هره برخه کي د ځانګړو لارښوونو په ور کولو سره په لومړي سرکي د هر ډول ګډوډیو او خپل سریو مخنیوی وکړو او په دوهم پړاو کي د ټولو مرستندویه مؤسسو ، خصوصي شرکتونو او مخابراتي شبکو د کار او فعالیت په هکله دقیق معلومات راټول کړو او بیا یي څارنه ترسره کړو ترڅو ټولګټي چاري په ښه ډول سمبال شي او مرستي اړو خلکو ته ورسیږي ، اوس په ډاډ سره ویلای شو چي د تیرو کلونو په پرتله ښه مثبت بدلون ترسترګو کیږي .
پوښتنه : تاسو په هيواد کې له ټولو مؤسساتو سره په اړيکه کې ياست ؟دهغو کارونه څارئ او مراقبت یې کوئ؟ او که دځینو سره رابطه اوتماس لرئ؟
ځواب : د مؤسسو او شرکتونو د کنترول او تنظیم کمیسیون له مؤسسو او شرکتونو سره کومي ځانګړي موافقي او تړونونه نه لري البته د اړتیا په صورت کي د تماس لپاره عمومي نماینده لري چي څلرویشت ساعته د تلیفون په لین ور سره اړیکه ټینګیدلای شي او ټول اړوند لوري کولای شي خپلي غوښتني او ستونزي له همدي لاري تر موږ پوري ورسوي .
البته د کار ترتیب داسي دي چي په هر ځای کي کومه پروژه تطبیقیږي نو تر منظوري وروسته د سیمي د ولسي مشرانو له لوري د اړوند ولایت د ولایت جهادي مسؤول په عنوان د کار د پیلیدلو لپاره د اجازي عریضه لیکل کیږي ، د مؤسسو او شرکتونو د کنترول او تنظیم د کمیسیون د ولایتي نماینده له تائید وروسته که د ولایت جهادي مسؤول ورسره موافقه وکړه نو موضوع د کمیسیون په غونډه کي تر بحث لاندي نیول کیږي او تر دقیقي څیړني وروسته د کمیسیون د لائحي د اتمي مادي په رڼا کي ورته اجازه لیک ورکول کیږي او بیا یي د پلي کیدلو چاري د ولایتي نماینده له لوري تر تکمیل پوري څارل کیږي تر څو د هر ډول درغلی مخه و نیول شي او کار په ښه کیفیت تر سره شي ، د کار له تکمیل وروسته یي بیاهم کمیسیون ته خبر ور کول کیږي .
پوښتنه : ستاسو لخوا هغه کوم کارونه دي چې مؤسسات يې د کولو اجازه لري او کوم د ي چې اجازه يې نه لري، که راته واضح يې کړئ؟
ځواب : اسلامي امارت کله هم د هیواد د رغوني ، آبادۍ او پرمختګ مخالفت نه دی کړی ټول هغه جهتونه چي غواړي په سمه توګه زموږ د ولس د هوسایني په غرض هر ډول رغنیزي چاري او بشري مرستي تر سره کړي نو په وړاندي یي هیڅ ډول ممانعت نشته ، دوی کولای شي چي د ورته وضع شویو قوانینو په نظر کي نیولو سره په ډاډمنه توګه خپلي چاري پرمخ بوزي ،په دې اړه دکمیسیون دلایحې دریمه ماده داسې صراحت لري :
( د مؤسسواو شرکتونو دکنترول او تنظیم کمېسیون مسؤلیت لری چې د اسلامي امارت د فرامینو او ورته وضعه شويو اصولو په رڼا کې د مؤسساتواو شرکتونو له لوري د بیارغاوني او مرستو په نامه هغو ټولګټو او عام المنفعه فعالیتونو ته اجازه ورکړي چې د اسلام او وطن په ګټه وي او دهغو فعالیتونو مخه ونیسي چې دديناوهيواد په تاوان او د روانجهاديبهيرپه ضرر وي)
البته یو شمیر بهرنۍ اداري د خیریه او مرستندویه مؤسسو تر عنوان لاندي د اسلام د مقدس دین په خلاف فعالیتونه لري او غواړي زموږ مؤمن ولس په تیره بیا تنکي ماشومان او زلميان د نصرانیت او نورو باطلو عقائو لور ته دعوت کړي ، نو د دا ډول نا مشروع هلو ځلو مخنیوی بیا د مؤسسو او شرکتونو د کنترول او تنظیم کمیسیون د خپل مسؤولت او دندي له مخي خپله فریضه ګڼي چي همدي خبري ته د لائحي په څلورمه ماده کي داسي اشاره شوي ده :
( هغه مؤسسات چي غیر اسلامي نظریاتو ته دعوت کوي لکه یهودیت ، نصرا نیت او داسي نور.. او دمجاهدینو په ضد فعالیت کوي هغوی ته مطلقا اجازه نشته، دمؤسسواوشركتونودكنترولاوتنظيم کمیسیون به یې په خپل ټول قوت سره د فعالیت مخنیوی کوي.)
پوښتنه : تاسو پوهيږئ چې د مؤسساتو له فعاليت سره جوخت يو شمير هیودوال له مؤسساتو سره کارکوي، نو ستاسو د پالیسۍ له مخې افغانانوته په مؤسساتو کې د کار اجازه شته اوکه نه ؟ او که ځواب هو وي نو په کومو برخوکې او له کومو مؤسساتو سره افغانان کار کولای شي؟
ځواب : اسلامي امارت له هغو مؤسسو سره چي یواځي او یواځي د بشري خواخوږی په بناء عام المنفعه چاري پر مخ بیایي زموږ د هیوادوالو د کار په کولو کي کومه ستونزه نه ويني البته له بهرنیو خیریه مرستندویه مؤسسو سره کارکوونکي افغانان باید خپل اسلامي او دیني مقررات او افغاني عنعنات په پام کي ونیسي ځکه د یوه مسلمان او افغان په صفت دا د دوی اسلامي او ملي وجیبه ده .
پوښتنه : که کله مؤسسات ستاسو غوښتنې يا هغه طرز العمل چې د مؤسساتو لپاره يې لرئ عملي نه کړي او سر غړاوي ترې وکړي ، بيا تاسو څه ډول برخورد ورسره کوئ او ايا د هغو کارونه بندولای شئ؟
ځواب : کومي مؤسسي او یا هم شرکتونه چي د اسلامي امارت د مؤسسو او شرکتونو د کنترول او تنظیم د کمیسیون له مقرراتو او اصولو سرغړونه و کړي او یا هم د کومي پروژي لپاره د قرار داد د منل شویو موادو رعایت ونکړي نو داسي مؤسسو او شرکتونو ته د فعالیت اجازه نه ورکول کیږي او مخنیوی یي کیږي ، د اسلامي امارت مجاهدین کولای شي چي د دا ډول سرغړوونکو مخنیوی وکړي ، البته که بیا وغواړي چي په اصولي ډول خپل فعالیتونه له سره پیل کړي نو د تضمین تر ورکړي وروسته باید د کار او فعالیت نوی جواز تر لاسه کړي .
پوښتنه : تاسو په هیواد کي دتلیفو ني شبکو دکنټرول او انسجام مسؤلیت هم په غاړه لرئ موږ او رو چي اشغالګر او دهغوی کورني مزدوران دتلفو ني شبکو څخه دمجاهدینو او زموږ دهیواد والوپه ضد ناوړه استفاده کوي که په دې اړه معلو مات را کړئ چي تا سو په دې برخه کي څه ډول اجرا آت کوی؟
ځواب : هوکي ، د مؤسسو او شرکتونو د کنترول او تنظیم کمیسیون په ټول هیواد کي د تلیفوني شبکو د فعالیتونو څارنه هم کوي او په مختلفو ولایتونو کي د سیمي د حالاتو په نظر کي نیولو سره یي نوموړیو شبکو ته د فعالیت طرز العمل جوړ کړی دی چي په ځیني سیمو کي څلرویشت ساعته فعاله وي ، په ځینو کي بیا د ورځي له خوا خلاصي او د شپي بندي وي او په ځینو نورو کي بیا له اړتیا سره سم د څو ساعتونو لپاره د فعالیت اجازه لري البته دا ټول د ولس او مجاهدینو په غوښتنو پوري تعلق لري او د دا ډول طرز العمل په پلي کولو سره د هیواد په مختلفو برخو کي د دښمن د چاپو او ړندو بمباریو مخنیوی شوی او د ملکي تلفاتو شمیره هم ورسره کمه شوي ده ، له بلي خوا دغو کمپنیو ته هم کافي سهولتونه ورکول شوي دي هغه که د امنیت په برخه کي وي او یا هم د افرادو او وسائلو د حمل او نقل په مورد کي ، زه په پوره ډاډ سره ویلای شم چي اوس هیڅوک هم نشي کولای چي د تلیفوني کمپنیو کار کوونکي د خپلو ناروا غوښتنو د تر سره کولو لپاره تهدید کړي او یا یي هم اجناس او وسائط ور څخه وګرځوي .
نوموړي شبکي مکلفي دي چي له ټاکل شوي تګ لاري سره سم عمل وکړي .
پوښتنه : د مؤسساتو د کميسيون په نمايندګۍ که مؤسساتو ته څه پيغام لري هم راسره شریک کړي ، چې مؤسسات باید خپلو کارونو د دوام لپاره څه ډول فعالیت وکړي او څه ونه کړي؟
ځواب : افغانستا ن یو جګړه ځپلی هیواد دی چي له کلونو کلونو را هیسي له ډول ډول کړاوونو سره لاس او ګریوان دی نو په هره برخه کي مرستو ته اړتیا لري ، د دي لپاره چي د بشري چارو د فعالیت مخه تل پرانیستي وي زموږ غوښتنه دا ده چي بشري مرستي ، رغنیز فعالیتونه ، د صحت او تعلیم چاري باید د هیواد ټولو وګړو ته بي له کومه توپیره په یو ډول ورسیږي او د وګړو او سیمو تر مینځ د تبعیض مخنیوی وشي .
په همدي ډول ټولو مرستندویه مؤسسو ، ټولنو او خصوصي شرکتونو ته دا وضاحت کول غواړم چي د مؤسسو او شرکتونو د کنترول او تنظیم کمیسیون د اسلامي امارت په تشکیلاتو کي د دي لپاره ایجاد شوی دی چي د رغوني ، بیا رغوني او بشري مرستو د ویش په وړاندي د شته ستونزو مخه ونیول شي ، د نوموړي کمیسیون له عمومي نماینده پرته هیڅوک د دي حق نه لري چي په یو او بل نامه له مؤسسو او شرکتونو سره تماس ونیسي ، البته د هر ډول ستونزو پر مهال باید دوی مستقیما خپل مشکل د عمومي نماینده په توسط تر کمیسیون پوري ورسوي .
د اسلام او هیواد د دفاع په ګرمو سنګرنو کي پرتو مجاهدینو ته مي پیغام دا دی چي : د دښمن هر ډول دسیسو ته باید متوجه و اوسي ، د کمیسیون له سیمه ایزو استازو سره خپلي مرستي ته دوام ورکړي ، د اړتیا په صورت کي پوره همکاري ور سره وکړي ، وخت په وخت خپل معلومات سره شریک کړي او هیچا ته هم اجازه و نکړي تر څو په یو او بل نامه د بي باوری فضاء را مینځ ته کړي او د خپلو شومو اهدافو ترلاسه کولو ته زمینه برابره کړي .
د افغانستان میړنی ولس هم باید په دي پوه شي چي د مؤسسو او شرکتونو د کنترول او تنظیم کمیسیون به ستاسي په مرسته ستاسي د هر ډول ستونزو د حل لپاره په خپل ټول توان سره خپلو هلو ځلو ته دوام ورکړي تر څو له یوي خوا د هیوادوالو د مشکلاتو د حل او هغوی ته د هوسا ژوند لاري چاري برابري شي او له بلي خوا د مرستو په نامه د دښمن د دسیسو مخه ونیول شي .
الاماره : داچې وخت مو راکړ ډیره زیاته ډیره مننه .
د کمیسیون رئیس : له تاسي څخه هم مننه کوم او له الله تعالی څخه در ته لا زیات توفیق غواړم تر څو د روان جهاد او اسلامي امارت بریالۍ نشراتي مبارزه لا پسي پیاوړي شي .
نن لس بجې شاوخوادکندهار ښاردوهمه ناحیه کي د ریاست تحقیق څانګې ته داسلامي امارت د(خالد بن ولید ) دروانو عملیاتو په لړ کي داشتشهادي کنډک درې تنه فدایي مجاهدین [ محمدیاسین داروزګان ولایت اوسیدونکی، محمدعمیر اومحمدفاتح دکندهاراوسیدونکي ]چي په سپکو او درنو وسلو سنبال ول په داسي شکل ننوتل چي لومړی یې دزرنج موټر سائکل په مټ ونوموړې سیمې ته ځانونه ورسول چي سمدستي یې یوه تن دریاست له عمومي دروازې سره په غرفه کي پر ناستو پیره دارانو ډزې پیل کړې او نور دوه تنه چي په ډول ډول جنګي آبزارو مجهز ول په ډیرقوي مورال او چټکتیاسره دریاست داخل ته ننوتل او دښمن یې تر کارنده بریدونو لاندي ونیو.
جګړې دغرمي تر۱۲ نیموبجوپوري دوام وکړ
دوروستي ترلاسه شوي معلومات ښه یي چې په ترسره شویو فدايي بریدونوکې دجاسوسي شبکي دیوه لوړ پوړي افسر په شمول ۲۳ تنه کار مندان او عسکر پکي ووژل شوي او ګڼ شمیر یې ژوبل شوي اودجګړې له امله ولاړو موټرونو او ودانۍ ته هم کافي زیان اوښتی سیمه دخارجي او داخلي عسکرو له لوري کلابنده شوې ده او دوی ددې لپاره چي خپل تلفات پټ کړي نه غواړي چي ژورنالیستان یا هم نور عام کسان وسیمې ته ورشي ۰
په سیمه کې عیني شاهدانو ویلي وحشي عسکرولومړی ولیجان په ډیر ظلم شهید کړ وروسته یې ترې کالي وایستل او دسنګین ولسوالي په بازار کې یې په ټانګ پسې وتړی او په کش کولو یې تر قومندانۍ پوري ورساوه .
دکابل رژیم د حیوان صفته عسکرو دغه غیر انساني او غیر اخلاقي کړنې او وحشي عمل چي په ښکاره توګه انساني کرامت ته سپکاوی بلل کیږي ددې فاسدې او ظالمې ادارې په خلاف دسمې دخلکو حساسیتونه نور هم را وپار ول اوله چار واکو یې دعاملینو دسزا غوښتنه وکړه ،ددوی په وینا چي که یې خبره ونه منل شي نو په مظاهره به لاس پوريکړي. موږ ددښمن داپریوتی او سپک عمل چي دانسان سپکاوی پکي شوی او بر بنډ شوی تقبیحوو او په کلکو ټکو یې غندو اووعده کوو چي ډیر ژر به دخداي ج په نصرت ددې ناروا عمل له عاملینو انتقام اخلو.
او پر هغو ټولنو چي دبشر دحقونو نعرې وهي هم ژغ کوو چي ددې قضیې پوره پلټنه وکړي پټه خوله نشي پاتې او دعاملینو په خلاف یې جدی اقدام وکړي او خپل مسئو لیت ادا کړي
قاري محمد یو سف احمدي داسلامي امارت ویاند ۱۴۳۵ / ۵ /۱۱ هق 2014/ 3/ 12م
ټول هيوادوال خبر دي چې امریکایان او نور یرغلګر ملګري یې دالله تعالی په نصرت اودمجاهدولس دقربانیوپه برکتدافغانستان دمستقیم اشغال په هڅو کې ناکام شوي اوپوځیان یې د تېښتې په حال کې دي، نوکوښښ کوي چې خپل اشغال په غیرمستقیم ډول وغځوي ، غیرمستقیم اشغال دې ته وایي چې ظاهرا به امریکایان له ډیروسیموټول اوپه غاروننوزي مګر داسې واکمن به رامخته او واک ته رسوي چې څيرې يې افغان نما خو ذهن، فکر، کردار، عقيده او باورونه يي امریکايي او داسلام دمقدس دین له واضحولارښوونو سره په ټکرکې وي،امریکايان غواړي خپلو دغو اجیرانو ته په حیثیت ورکولواو واک ته رسولو سره هغه افغان میړنی ولس غلام او د ځان د غوښتنو تابع کړي چې په بمبار، نيونو، شکنجو، چاپو، وحشتونو او مختلفو دسیسو سره يي تابع نه کړی شو.
څرنګه چې په موږ باندې الله تعالی داسلامي واکمنۍ جوړول واجب کړي دي ، دغه راز یې له اسلامي وطن څخه دکفر دپټ او ښکاره اشغال دختمولو لپاره جهاد راباندې فرض کړی دی ، نو دا دهرمسلمان افغان دنده ده چې دانتخاباتو ترنامه لاندې دیرغلګرو ددې وروستۍ دسیسې په ناکامولو کې هم خپله ایماني وجیبه ترسره کړي .
په خاص ډول له علماءکرامو،روحانیونو،سپین ژیرو،دولس مخورو،دپوهنتونونو، مدرسو اومکاتبواستادانو او تعلیم یافته اوباخبره کسانو څخه مو کلکه غوښتنه داده چې خپل ټول ولس د دښمن په داډول ناپاکو دسیسو پوه اوپه بدو عواقبو یې خبر کړي اود دې ټولني هرفرد فرد وپوهوي چي ستاسوهر یوه رایه اچول یا په دي ناولي پروسه کې برخه اخیستل دکفارو اود هغوئ له غلامانوسره د اسلام او وطن پرضدمرسته بلل کیږي او د دنیا اواخرت تاوان ته اوږه ورکول دي، الله تبارک وتعالی دسورة هود په ۱۱۳ آیت شریف کې فر مایي :(او میلان مه کوئ هغو کسانو ته چې ظلم یې کړی دی (که داسې وکړئ ) بیا به اور درورسیږي او له الله نه ژغورنکي دوستان به مو نه وی او نه به مرسته درسره وشي).
په همدې منظوراسلامي امارت له خپلو ټولو هیوادوالونه غوښتنه کوي چې د راتلونکو انتخاباتو په پروسه کې د دښمن دفریبونو ښکار نه شي ، کاملا پريکون ورسره وکړي، او ځانونه په خطر کې وانه چوي،اوپه دي هم بایدټول پوه شي چي رایه اچول کومه نتیجه هم نه ورکوي ځکه چي اصلي ټاکني وار له مخه دسي ای اې او پنټاګان په دفترونو کې ترسره شوي او هغه څوک اوس لا ټاکل شوي کوم چي د امریکا خوښ دي .
اسلامي امارت به په هيڅ قيمت هم اجازه ورنکړي چې دښمن په دغه جعلي او نمايشي پروسه کې بريالی شي او خپلې شومې هيلې ترلاسه کړي، په همدې منظور موږ خپلو ټولو نظامي مجاهدنيو ته امر کړی چې په خپل ټول توان سره د دښمن دغه جعلي انتخابات ورګډوډ کړي، په هرځای کې يې کارکونکي، فعاليت کونکي، دعوت ګران، امنيت ساتونکي، او دفاتر تر کلکو بریدونو لاندې ونیسي او ولس هم بايد اجازه ورنکړي چې د انتخاباتو په نامه پروسه، په مساجدو، کلينیکونو، مکاتبو، مدارسو،او په نورو عام المنفعه ځايونوکې ترسره شي.
يوځل بیا له هیوادوالو غوښتنه کوو چې ځانونه د انتخاباتو له دفاترو،درایې اچولوله مراکزودعوتي غونډو او کمپاينونو څخه لرې وساتي ترڅو خدای مکړه ژوند ته يي څه ګواښ پيښ نه شي، او که چا په کې ونډه واخيسته د راتلونکو بدوعواقبو مسئوليت به يي پخپله غاړه وي. والسلام
داخوان المسلمین په زرګونو پلویان په قاهره، اسکندریه، فیوم، شرقيه او داسي نورو سیموکي راووتل او داوسني موقت حکومت په خلاف يې شعارونه ورکول، مظاهره کونکو له پولیسو او امنیتي کسانو سره شخړي وکړې، پولیسو په مظاهره کونکو ډزي کړي.
دمصر روغتیايي چارواکي وايي، دتيري ورځي په مظاهرو کي ۳ کسان وژل شوي او ۲۸ تنه نور ټپیان شوي دي، همداراز په لسګونو کسان دپولیسو له لوري نیول شوي هم دي.
دمصر روغتیايي چارواکو ویلي، دقاهرې په شاوخوا کي دمظاهرو په ترڅ کي دپولیسو له لوري درې کسان وژل شوي او ۲۳ تنه نور ټپیان شوي دي، په همدې ډول په اسکندریه کي یو تن ټپی شوی، په فیوم کی دوه تن ټپیان شوي.
له بله پلوه اخوان المسلمین په یوه بیان کي ویلي، دتیري ورځي په مظاهرو کي ددوی ۸ تنه پلویان دپولیسو په مخامخ ډزو کي وژل شوي او په لسګونو نور ټپیان شوي او نیول شوي دي.
خودجغرافيي له نګاه نه اوکراین دشرق له لوري له غرب اواروپاسره نښلي ، یعني داوکراین شرقي ایالتونه اوښارونه چې دنوموړي هیواد ۷۰فیصده ناخالص تولیدات ټاکي ،وګړي یې اوس هم دغرب اواروپاپرځای له روسیی سره نیږدي والی غواړي اوتیارندي چې غرب اواروپایی په تولیداتوخیټه واچوي
داوکراین په شرقي برخوکې لاهم روسيي فرهنګ اوژبه حاکمه ده ، له بل لوري په مذهبي لحاظ شرقي اوکراینیان دارتدوکس دهغې کلیساپیروان دي چې روسي رنګ پرې غالب اومسلط دی .
داوکراین غربي منطقه بیاد( نیپر) ښی ساحلي اړخ کې قرار لري چې پولي یې له لهستان اواسلواکیا سره تړاونیسي، داوکراین دغربي منطقې وګړي بیا له شرقي وګړو برعکس غربګرااوپه کله ددې غوښتونکي دي چې له غرب اواروپاسره اړیکي اوتماس ولري ، دوي په مذهبي لحاظ بیادکاتولیکي کلیساپیروان دي .
داوکراین دخلکودغه قومي ، مذهبي ، اوهویتي توپیرونه هم که پرځای پریښودل شي ، یوبل مهم عامل چې دشرقي اوغربي اوکراین دخلکو ترمنځ یې شدیداختلافونه رامنځته کړي ، هغه دشرقي اوکراین مساعد اودپام وړ اقتصاددی ، ځکه دشوروي اتحاد په مهال زیاتره صنعتي ، کرهنیز اودتولیدمراکز په شرقي برخه کې تاسیس اوجوړشوي ، همدغه لامل دی چې غربي اوکراین تل په دغه حالت ناخوښ وي اوداعتراضونوسرچینه یې هم له همدغه ټکي څخه پیلیږي اوله تیرو دولسیزو راهیسي همیش داوکراین دشتمنیود مساوي ویش اوعدالت غوښتني په ډاګه کوي .
خوله دغو دو داخلي ستونزواورقابتونوسره سره یوخارجي بعداورقابت هم شته چې داوکراین خلک یې سخت په کړاو کې ساتلي اودیته یې نه پریږدي چې نوموړی هیواد ترقي وکړي اودهوسايی ګډ ژوندسره ولري ،چې هغه دروس اوغرب لاسوهني اوزورازمايی دي .
روسیی ته داوکراین اهمیت په دې کې دي چې نوموړی هیواددتوري بحیري یوشمیرمهم سواحل اوبندرونه لکه «سواستوپل» او«اودسا» په اختیارکې لري ، داهغه بندرونه دي چې پخواني شوروي اتحاد به دخپلوبحري بیړیوپه برخه کې مهمه استفاده ترینه کوله اواوس هم یوډول استفاده له همدغوبندرونوڅخه په اسانی کولای شي ، په بل اړخ کې بیا اوکراین دګازواوتیلومهمه اړتیا له روسيي څخه پوره کوي
غرب اوپه خاص ډول امریکا بیا په دې موخه چې اوکراین دروسيي له دام اواغیزنه راوباسي له ډیرې مودې راهیسي په اوکراین لاس کش کوي اوپه نړیوالوغربي ، اقتصادي ، امنیتي اوسیاسي تړونونوکې یې په عضویت مني
عضو شوید
عضویت سریع
آمار
وب سایت:
آمار مطالب
آمار بازدید