لیکوال: فاتح کاروان بـــــرخه: نوري مقالې

دتېرو څو هفتو را په ديخوا دګران هيواد په ګوټ ګوټ کې د مجاهدينو عملياتو زوراخيستى داسې عمليات چې دښمن يې هيڅ تمه نه درلوده ، تېرو کلونو کې معمول داسې و چې د مجاهدينو عمليات به د ژمي په موسم کې دامکاناتو دنشت والي له امله يو څه ټکني کېدل خو سږ کال الحمدلله نه دا چې د ژمي موسم د مجاهدينو په عملياتو کې کوم ځنډ رامنځ ته نکړ بلکې مونږ او ټولو نړيوالو وليدل چې دايمان لښکرو د الله ج په ځانګړي نصرت او دخپل ولس په بې سارې همکارۍ خپل عمليات نورهم ګړندي کړل او لا اوس هم په پوره زور او شور سره دوام لري ، هره ورځ دنويو او تازه عملياتو خبرونه اورو ،امريکايان او ورسره ايمان پلورونکي ګوډاګيان يې خورا وارخطا او ترهېدلي دي ، نړيوال اوس پوهېدلي چې طالبان ددوۍ لپاره اوس يو نه ماتېدونکى قوت دى ناټو هم دامريکايانو په حشرکې په برخه اخېستلو پښيمانه ده ، داخلي غلامان ځانته ديوه مناسب پتڼځاى په لټه کې دي درګرده لګيا دي خپلې هغه پانګې چې د خاورې او ولس دخرڅولو په بدل کې يې لاسته راوړې له هېواده بهر وباسي ، ولې بياهم مکار دښمن خپلو تبليغاتو او پروپاګند ته زور ورکړى او غواړي چې دنړيوالو پام بلخوا واړوي، تاسو به ليدلي وي کله چې مجاهدين ددښمن کوم مهم هدف تر بريد لاندې راولي او دښمن ته د پام وړ تلفات واوړي نو د سي آي اې جاسوسان ضرور کوم جنايت ترسره کوي او بيا د خپلو رسنيو له لارې هغه جنايت پرطالبانو ورتپي تر څو دطالبانو دبرياوو خبرونو باندې سيورې وغوړوي ، خو لله الحمد د دښمن دنظامي قوت ترڅنګ تبليغاتي کمپاين هم خپل اثر له لاسه ورکړى او اوس څوک د دوۍ پرتبليغاتو چندانې باور نکوي همداعلت دى چې د طالبانو قوت ورځ په ورځ پياوړى کېږي ، پلويان يې ډېريږي او حقيقت پلټونکي خلک داسلامي امارت دمجاهدينو ريښتوني مبارزه درک کوي ، که وګورو دنړۍ ولسونه او ازادي غواړو تحريکونه ټول دطالبانو ملاتړ اوننګه کوي، ولس دطالبانو سره ولاړ دى دالله ج په نصرت سره طالبانو وکړاى شول دامريکايي فرعونيت کبر د زوال سره مخ کړي ، هغه امريکايان چې نړيوالو يې ماتې بيخي ناشوني بلله نن د تش لاسو مجاهدينو پروړاندې تسليميږي ، داسلامي امت په مظلومو پرګنو او ددوۍ په مايوسه زړونو کې مړې هيلي تازه کېږي ، ځوانان دجهادسنګرونو ته ځي خويندې مېندې مو مجاهدينو ته شپه او ورځ دعاګانې کوي او ټوله نړۍ د يوه انقلاب دراتلو شېبې شماري ، داهرڅه د الله ج ځانګړي نصرت د عاليقدراميرالمؤمنين ملامحمدعمرمجاهد حفظه الله سالم او زړور قيادت ولسونو کې دمجاهدينو دنفوذ او دمجاهدينو په ليکو کې داتحاد او اتفاق برکت دى.

امريکايان پوهېږي چې په ژمي کې دطالبانو دومره پراخ او مؤثرعمليات د دوۍ لپاره د خطر زنګ دى ، څومره چې موسم د تودېدو خواته نږدې کېږي دمجاهدينو عمليات زوراخلي ،بلخوا دمجاهدينو دفرهنګي برخې کارکونکي هم ډېر بيداره دي او ويې کولاي شول چې په خپلو محدودو وسايلو دهرډول خطرونوسره سره خپله تبليغاتي مبارزه جاري وساتي او د مجاهدينو غږ ترنوروخلکو ورسوي ، نو ددې ټولوخبرو نه وروسته ويلاي شو چې نړيوال کفر به ډېر ژر دخپل اشغال ټغر ورټول کړي او افغان مجاهدولس به د يو بل نړيوال زبرځواک دماتولو وياړ ترلاسه کړي انشاءالله.

په همدې هيله