په دې نیږدي ورځوکې دګاونډي هیواد پاکستان دکویټي په ښارکې دوه تنه زبده ، جیداومجاهدعلمای کرام ،شیخ الحدیث مولوي عبدالسلام اوبل شیخ القران مولاناعبدالله ذاکري نورالله مرقدهما، یوپه بل پسي داسلام دکرغیړنو دښمنانو له لوري دبریدنښه وګرځیدل اوپه ډیرقساوت یې شهیدان کړل .

ددغودوستروعلمي اوروحاني شخصیتونه لويي ځانګړتیاوي اوکارنامي داوي چې دژوندټوله برخه یې دالله تعالی ددین په اشاعت ،درس ، تدریس اوداسلامي شعایروپه ساتنه اوپالنه مصرف کړه ، افغان ولس اواسلامي امت یې داسلام ددښمنانو له فریبونو، دسایسواوحربوڅخه په هروخت کې باخبره ساته اوترټولوښکاره اوتل پاتی ویاړیې داوو چې دروسي اوامریکايي دواړویرغلونوپه مقابل کې دافغان مظلوم ولس ترڅنګ لکه غرونه ودریدل ، دجهاداومبارزي سنګرونه یې تاوده وساتل اودیرغلګرو ژامي یې دموثروجهادي فتواووپه زریعه ماتي اوکږي وګرځولي .

ښکاري داسلام اوافغانیت ددښمنانوپه سترګوکې دیادودیني مشایخوهمدغه جهادي اوافغاني کارنامي دسترګواغزي ګرځیدلي واودهغوی په پلیدوزړونوکې یې خنجرونه وهلي و، چې باالاخره یې دخپلواجیرانوپه مرسته دروحانیت ، تقوا اوجهادددغودنګومنارونودنړیولوفجیع عمل ته لاس اوږدکړ.

داسلام دلاري ددغوځلنده مشالونوددیانت اوامانت داری کچه بائیدلدې نه معلومه کړل شي چې دشهادت له نیټي څخه یوه ورځ وړاندې مرحوم شیخ صاحب عبدالله ذاکري په خپل وصیت کې ځامنوته ویلي و چې په ټول عمر کې ترې صرف یولمونځ قضاشوی ، هغه هم دجهادپه مهال اودالله په فضل یې دبیت المال یوه روپی اویوه پیسه هم په غبن اوغصب نده ترلاسه کړي ، نوکه چیرې هغه شهیدشوپه قاتلینوپسي یې مه ګرځی ،ځکه د هغه قاتلین لکه لمر څرګنداوښکاره دي چې امریکایان اودهغوی اجرتي مزدوران دي!!

دمرحوم ذاکري صاحب پورته قیمتي کرښي ددې خبري لوی حجت دی چې داستکبارپه لاس دشهیدوشوو مشایخو یواځینی جرم ! دهغوی دیني اوملي غروراوپه اسلامي ټولنه کې یې اغیزمن رول اومحوري کرداردی .

یعني شیخ ذاکري اوشیخ عبدالسلام رحمهم الله ، نه له چاسره شخصي اوذاتي خصومت درلود، نه یې دقدرت سیالي اوکشمکش هدف وو ، نه یې دمادیاتو اوشهرت غوښتنه لرله اونه دکوم بهرني هیواد داستخباراتو غړي ول ، بلکې صرف دخارجي یرغل مخالفت یې کاوه ، داسلامي شعایرو اواسلامي تهذیب دفاع یې په ځغرده کوله اومسلمان ولس ته یې دوحدت اوخیرخواهي ذهنیت ورباښه .

دشیخ عبدالسلام رحمه الله په ولس کې دمحبوبیت اندازه تردې حده وه چې په جنازه کې یې دیولکوپه شاوخواکې افغانانواوانصاروعامومسلمانانوبرخه اخیستي وه ، په ولس کې دشیخ صاحب ددومره ژوري میني علت دانه وچې مرحوم کوم لوی سیاسي منصب درلود، فوځي غښتلی قومندان واویایې لویه مالي شتمنی اوارګاه بارګاه درلوده ،بلکې ۳۴کاله یې درسول الله صلی الله علیه وسلم دمبارکواحادیثو کتابونه اودوري زرګونوطالبانوته ولوستلې ، دولس دخیرخواهي اوروغوجوړوپرفیضه سرچینه وه، د کفارواوددوی داجیرانوپه وړاندې یې دبرحق جهاد برالا تائیداوملاتړ کاوه .

مادمرحوم شیخ صاحب ددیانت اوامانتداري له عبرت نه ډکه کیسه هم اوریدلي ، چې کله دتیراسلامي امارت په مهال په کابل کې دفاروقیه دارالعلوم مشهوري مدرسي ته داستادپه صفت بلل شوی و کله چې بیرته کورته روانیده نودامارت دهغه وخت دمعارف وزیرصاحب ورته ۲۵زره کلداري دخرچي لپاره ورکړي ترڅویې په تګ اوراتګ اونوروامورومصرف کړي ، ویل کیږي چې دامارت له سقوط ورسته کله چې مرحوم شیخ صاحب دامارت دمعارف په هغه وزیرسترګي ولګیدې نوترټولومهمه خبره یې داوه ورته چې ( زه خوبیابیرته کابل ته درنغلم تاچې کومه خرچه راکړې وه هغه راسره پاتي ده اوساتلي مي ده اوسخت ورسره تکلیف یم چې څه پرې وکړم ؟ ) وزیرصاحب ورته ویلي وچې ته خپله عالم اوزمونږ داستادپه ځای یې شرعا چې څنګه مناسب درته بریښي هغسې یې کړه؛ شیخ صاحب ورته وویل چې ته یې نه راڅخه تسلیموي ، نومجاهدینوته به یې ورکړم چې دجهادپه لارکې یې مصرف کړي .

دافغاني مشایخواومتبرکوهستیوورستي شهادتونه په ډاګه کوي چې دامریکااواجیررژیم نورې ټولې حربي اوزورازمايي شنډي اودړي وړي وګرځیدي ، دسنګرله اتلانوسره یې دمقابلې ځواک له تاریخي شکست سره لاس اوګریوان شو،سیاسي چالونواوداسلامي امارت په مستحکم صف کې ددرزاچولوټول نیرنګونه په ابولاهوکړل شول، نواوس یې دهغوسپین روبواستادانواوعلمای کراموپه شهیدولوپسي رااخیستي چې له ولس سره شپه ورځ ناسته ولاړه لري اوپنځه وخته دالله دربارته دعبادت اوسجدي لګولولپاره جوماتونوته ځي اودصلیب نوکران ورته دجوماتونولاري څاري اودکلیسادخوشالولولپاره یې دجوماتونوپه غولي اولاروکوڅوکې شهیدانوي او غلیمانه ججوري اوپرې تشوي .

خوزمونږدافغاني مشایخواوروحانیونو دښمنان اوقاتلین ، بائیدپه زور اوزیرپوه وي چې دکوموخلکوشهادت اوله منځه وړلوته دوی لاس اوږدکړی ، دهغوی تعلق اوربط تریوې کورنی اومحدودقشرپوري نه وو ، بلکې دهیواداومسلمان ولس نخبګان اومرشدان یادیږي، شاته یې لوی ملت ،مجاهدې پرګني اوداسلام په لکونوسربکفه سپاهیان پاته دي ، هغوی به دخپلوشهیدومشایخوله نقش قدم اوټاکلي مسیرڅخه یوه لویشت هم کاږه اومخته ورسته نشي اوپه دې خبره دې هم سرونه خلاص کړي چې سرسپارلي مجاهدین به له هغولورواوخلکوسره چې دافغانستان دمشایخوپه وینویې لاسونه سره اوککړدي دهریوه څاڅکي په بدل کې به ورسره پوره پوره حساب کوي اودروندقیمت اوبیه به ګالي ، انشاالله تعالی