دترکیي هیواد لومړى وزير رجب طيب اردوغان وايي دسوریي الوتکي په حریم تیري کړي او وسلوالو ځواکونو یي ویشتي
اردوغان خبردارى ورکړ چې د سوريې دغه اقدام د يوۀ سخت ځواب وړ و.
سوريې بيا پر ترکيې د ښکاره تيري تور ولگاوۀ او وې ويل چې الوتکه هغه مهال د سوريې په هوايي حريم کې وه.
رپوټونو پر بنسټ پېښه هغه سيمه کې رامنځته شوې چې د پولې د کنترول پر سر د سوريې حکومتي ځواکونه له مخالف لوري سره په جگړه بوخت دي.
ترکيه او سوريه ٨٠٠ کيلومتره گډه پوله لري.
له ٢٠١١ م کال د سوريې د جگړې له پيل راهيسې، دغه دواړه هېوادونه د يوۀ بل په وړاندې ودرېدلي او د دوى ترمنځ يو شمېر وسلوالې نښتې هم رامنځته شوې دي.
دترکیي لومړي وزير اردوغان د خپلو ملاتړو په يوه غونډه کې د ترکيې هوايي ځواکونو ته د هغوى د دغه اقدام له امله مبارکي وويله.
اردوغان وويل " يوې سوريايۍ الوتکې زموږ له هوايي حريمه سرغړونه وکړه. زموږ اف-١٦ الوتکې والوتې او نسکوره يې کړه. اردوغان وايي زما هوايي حريم ته ننوځې، نو له دې وروسته به زموږ څپيړه نوره هم زوروره وي."
د سوريې ملي ټيلويزيون د پوځ د يوې سرچينې په وينا ويلي چې د ترکيې هوايي ځواک د سوريې په خاوره کې يوه الوتکه نسکوره کړې چې د دوى په وينا د ترکيې له لوري ښکاره تېروتنه ده.

د الوتکې پيلوټ په دې توانېدلى چې د پراشوت په مټ ځان له الوتکې وغورځوي.
په تېر سپتمبر کې ترکيې د سوريې يوه چورلکه خپلې پولې سره نژدې وويشته، بيا يوه ترکي جت الوتکه د سوريې د ځواکونو له لوري د مديترانې د سمندر پر سر نسکوره شوه.

د ترکي الوتکې له نسکورېدو وروسته د ترکيې حکومت اعلان وکړ چې د سوريې په وړاندې يې خپل پوځي او جگړييزې تگلارې له سره ارزولي دي، او له هغه هېواده د ترکيې پولې ته نژدې کېدونکى هر پوځي عنصر به گواښ بلل کېږي