فاریاب په قیصار او د پکتیکا په یحی خېلو ولسواليو کې مېشتو اربکیانو د سیمې د علماوو او عامو وګړو سلګونه کورونه سوځولي دي.د فاریاب ولایت د قیصار ولسوالي په نهرین سیمهکې د طالبانو له لوري اربکیانو ته د درنو ور اوښتو زیانونو په غبرګون کې هغوی د سیمې د خلکو لسګونه استوګنځي له لوټ وروسته سوځولي دي، چې پکې د یوې مېرمنې او ماشوم په ګډون څلور تنه شهیدان شوي هم دي.د سیمې اربکیانو همداشان د نهرین تر دووسوو ډېرېکورنۍ په ساړه ژمي کې کډوالي ته اړ کړې دي او کورونه يې هم ورته له لوټونې وروسته سوځولي دي.په ورته وخت کې د هېواد په جنوب ختیځ ولایت پکتیکا کې هم د یحی خېلو اربکیانو د غیبي خېلو او یحی خېلو په سیمه کې د پنځلسو تنو دیني علماوو او مدرسینو کورونه لوټ کړي او بیا یې ورته اور ورته کړی دی.د سیمې خلک وايي چې اربکیان دوی د طالبانو د همکارانو په نامه لوټي او په ساړه ژمي کې يې له کورونو شړي.د دوی په خبره تر دې وړانډې هم اربکیانو امر کړی و، چې یا به له دوی سره یو ځای د طالبانو پرضدټوپک اخلي یا به له سیمې کډې باروي.دا په داسې حال کې دی چې د کورنیو چارو وزارت مسوولینو د رسنیو له لارې منلې ده، چې د دوی سیمه ییز پولیس ورته کړنې ترسره کوي، خو په خبره يې دوی يې د څارنې هڅه کوي.تر دې دمه د فاریاب او پکتیکا سیمه ییز چارواکيد اربکیانو په دغو کړنو چوپ دي، خو خلکو ګواښ کړی، چې که د دوی غږ وانه ورېدل شي ؛ نو بیا به له اربکیانو د خپل غچ د اخستلو لپاره خپله ودریږي.